- ट्रेण्डिङ :
ड्र्यागन फ्रुटका अनेक फाइदा छन् । पछिल्लो समय स्थानीय स्तरमा खेती हुन थालेपछि बजारमा यसको भाउ पनि घटेको छ । धेरैले यसलाई निकै रुचीका साथ खान्छन् । यसमा इलेक्ट्रोलाइट्स र पोटासियममा प्रचुर मात्रामा पाइन्छ । त्यसैले आद्र्र र तातो मौसममा शरीरको लागि यो लाभदायक मानिन्छ । तर सबैका लागि यो फल उपर्युक्त हुँदैन । आजको यस लेखमा हामी यो फल क–कसले खानु हुँदैन भनेर कुराकानी गर्नेछौं ।
गर्मी मौसममा शरीरबाट धेरै पसिना आउँछ । यस्तोमा शरीरमा इलेक्ट्रोलाइट सन्तुलन बिग्रन सक्छ । ड्र्यागन फ्रुटमा इलेक्ट्रोलाइट्सको राम्रो मात्रा हुन्छ, त्यसैले यसको सेवनले शरीरमा इलेक्ट्रोलाइट सन्तुलन कायम राख्न मद्दत गर्न सक्छ ।
भिटामिन सी पनि प्रशस्त हुन्छ
ड्रागन फलमा राम्रो मात्रामा भिटामिन सी पाइन्छ । भिटामिन सी शरीरको रोग प्रतिरोधात्मक क्षमताको लागि फाइदाजनक हुन्छ । यसमा आइरन पनि हुन्छ । त्यसैले रक्तअल्पता वा रगतको कमीबाट पीडित व्यक्तिहरूले आफ्नो आहारमा ड्रागन फल समावेश गर्न सक्छन् । यो फल बालबालिका र वृद्धवृद्धाहरूका लागि पनि धेरै फाइदाजनक छ ।
मिर्गौलाको रोग र गर्भावस्थामा भएकाहरूले अपनाउनु पर्छ सावधानी
तर केही मानिसहरूले ड्र्यागन फ्रुट खानबाट बच्नुपर्छ । मिर्गौला रोगी र गर्भवती महिलाहरूले यसलाई अत्यधिक मात्रामा बेवास्ता गर्नुपर्छ । पोटासियमको मात्रा बढी हुने भएकाले यी व्यक्तिहरूले यसलाई बेवास्ता गर्न भनिन्छ । मिर्गौलासम्बन्धी समस्या भएका व्यक्तिहरूलाई पनि डाक्टरसँग परामर्श नगरी यसलाई बढी मात्रामा सेवन नगर्न भनिन्छ ।
