- ट्रेण्डिङ :
खाना नखाइकन हामी कतिदिनसम्म बस्न सक्छौं । भोक हडतालको समयमा मानिसहरु पानी वा नुनिलो पानी पिएर जीवित रहन प्रयास गर्दछन् ।
ऐतिहासिक र वैज्ञानिक तथ्याङ्क अनुसार, एक व्यक्ति ६ देखि ८ हप्ता वा ४० देखि ६० दिनसम्म भोक हडतालमा रहन सक्छ । यद्यपि, ३ हप्ता पछि, अवस्था बिग्रन थाल्छ, र एउटा यस्तो समय आउँछ जब व्यक्तिलाई बचाउन जबरजस्ती आईभी ड्रिपमा राख्नु पर्छ ।
भारतीय अभियन्ता सोनम वाङ्चुक २४ दिनदेखि भोक हड्तालमा छन् । दिल्लीको जन्तर मन्तरमा हड्तालको २० औं दिनमा उनलाई जर्बजस्ती अस्पताल लगियो । तर त्यहाँ पनि उनले केही पनि खान मानिरहेका छैनन् । आज हामी भोक हडतालको समयमा व्यक्तिको शरीरमा हुने परिवर्तनहरू, यसको प्रभावहरू र तिनीहरू कसरी बाँच्छन् भन्ने बारे चर्चा गर्नेछौँ ।
कमजोरी र भोक
भोक हडतालको सुरुवाती दिनहरूमा, शरीरको ग्लाइकोजेन, वा कलेजोमा भण्डारण गरिएको चिनी, घट्न थाल्छ । तीव्र भोक, पेट दुख्ने र टाउको दुख्ने समस्या हुन्छ । त्यसपछि शरीरले ऊर्जाको लागि बोसो जलाउन थाल्छ, जसले गर्दा भोकको अनुभूति कम हुन्छ। यसले चक्कर लाग्ने, आलस्य हुने र उभिँदा कम रक्तचाप हुन सक्छ ।
गम्भीर चिकित्सा जोखिम
भोक हडतालको २० देखि ३० दिनको बीचमा, शरीरको बोसो भण्डारहरू घट्दै जाँदा, मांसपेशीहरू भाँचिन थाल्छन् । व्यक्तिलाई हेर्न कठिनाइ हुन सक्छ, सुन्न समस्या हुन सक्छ, बोली लर्बरिन सक्छ । अनि गम्भीर मानसिक भ्रमको स्थिति पनि उत्पन्न हुन सक्छ ।
जीवनको खतरा
यदि भोक हडताल ३० दिनभन्दा बढी भयो वा ४० दिन पुग्यो भने, व्यक्तिको मुटुको मांसपेशी कमजोर हुन थाल्छ, जसले गर्दा मुटुको धड्कन अनियमित हुन्छ । मिर्गौला र कलेजो फेल हुने जोखिम बढ्छ ।
