- ट्रेण्डिङ :
थकान मेट्नका लागि दिनको अन्त्यमा नुहाउनुभन्दा राम्रो विधी हाे ।तातो पानीले नुहाउनाले आराम र शान्त महसुस गराउनुका साथै सबै तनाव हट्ने मानिन्छ । तर, अध्ययनका अनुसार तातो पानीको तुलनामा चिसो पानीबाट नुहाउनाले धेरै फाइदा प्राप्त गर्न सकिन्छ । चिसो पानीले नुहाउँदा हुने फाइदाहरू यस प्रकार छन् ।
अधिक ऊर्जा दिन्छ :
यदि एक कप कफीले पनि बिहान उठाउन नसके चिसो पानीले नुहाउने गर्नुपर्छ । एप्लाइड फिजियोलजीको जर्नलमा प्रकाशित एक अध्ययनअनुसार, चिसो पानीले नुहाइसकेपछि स्नायु प्रणालीबाट नोरिपाइनफ्रिन निकास हुन्छ । नोरिपाइनफ्रिन एक न्यूरो ट्रान्समिटर हो जसले उर्जालाई बढावा दिन्छ, मस्तिष्कलाई सक्रिय राखेर सचेत बनाउनुका साथै ध्यान केन्द्रित गर्ने शक्ति बढाउँछ ।
मुडलाई राम्रो बनाउँछ :
उर्जा र सतर्कता बढाउनुका अलावा, चिसो पानीले नहाउँदा न्युरोट्रान्समिटरले मुडमा पनि सकारात्मक प्रभाव पार्छ । चिकित्सा परिकल्पनाहरूमा प्रकाशित एक अध्ययनमा चिसो पानीले नुहाउँदा डिप्रेसन र चिन्ताका लक्षण कम गर्न सकिने प्रमाण पाइएको थियो । चिसो पानीले नुहाउँदा दिमागमा एक डिप्रेसन विरोधी प्रभाव पर्छ ।
पीडाबाट राहत :
उत्तर अमेरिकी जर्नल अफ मेडिकल साइन्समा प्रकाशित एक अध्ययनका अनुसार चिसो पानीको थेरापीले दुखाइ र जलन कम हुने प्रमाणित गरेको छ । चिसो पानीले नुहाउँदा शारीरिक गतिविधिपछि शरीरलाई सुधार गर्न आवश्यक पर्ने समय पनि छोट्टिन्छ ।
प्रतिरक्षा प्रणाली सुधार गर्छ :
कोभिडसँग लड्नका लागि बढी बलियो प्रतिरोधात्मक क्षमता चाहिन्छ । सन् २०१६ मा प्रकाशित गरिएको अध्ययनअनुसार चिसो पानीले नुहाउने व्यक्ति काम र स्कूल जानका लागि बिरामी हुने सम्भावना २९ प्रतिशत कम हुन्छ ।
