- ट्रेण्डिङ :
मंसिर ९ देखि जारी कक्षा–१२ को परीक्षाअन्तर्गत ११ मंसिरको फिजिक्स विषयको प्रश्नपत्र परीक्षा हुनुभन्दा १३ घन्टाअघि नै बाहिरिएको खुलासा भएको छ ।
बुटवलका एक शिक्षकका अनुसार फिजिक्सको प्रश्नपत्र परीक्षा हुनुभन्दा १३ घन्टाअघि नै बाहिरिएर विद्यार्थीहरुको फेसबुक ग्रुपमा आइसकेको थियो ।
बुटवलमा अघिल्लो साँझ ७ बजे केही ब्यक्तिसम्म प्रश्नपत्र पुगेको थियो । भोलिपल्ट पेपर पाएपछि शिक्षकहरुले सामाजिक संजालमा आएको र परीक्षाका लागि मेलमा पठाएको पेपर एकै भएको देखेपछि तत्काल परीक्षा नियन्त्रण कार्यालयलाई जानकारी गराएका थिए ।
तर यो घटनाको जानकारी गराएका ती शिक्षकलाई परीक्षा बोर्डका अधिकारीले गल्ती स्वीकार नगरी उल्टै प्रहरी लगाएर समात्ने धम्की दिएपछि कुरा सेलाएको छ ।
यसबारेमा राष्ट्रिय परीक्षा बोर्डका सदस्य सचिब, परीक्षा उपनियन्त्रक र प्रदेश परीक्षा कार्यालय प्रमुख पूर्ण जानकार रहेको उनी बताएको समाचार आजको नयाँ पत्रिकामा प्रकाशित भएको छ ।
