- ट्रेण्डिङ :
पूर्वप्रधानमन्त्री बाबुराम भट्टराईको नयाँ पुस्तक ‘अर्थ–राजनीतिक विमर्श’ प्रकाशित भएको छ ।पुस्तकमा भट्टराईले पछिल्लो समय लेखेका २२ आलेख समेटिएका छन् । उक्त पुस्तकमा राजनीतिक वाददेखि भौतिक विज्ञान र समसामयिक वैश्विक घटनाक्रमहरु समेटिएका छन् ।
भट्टराईले पुराना पार्टी र वैकल्पिक नयाँ शक्तिको खोजीमा लागिरहेकाहरू पनि मौजुदा गतिरोध र असामञ्जस्यमा फसिरहेको सन्दर्भमा आफूले यो पुस्तकलाई वैचारिक बहसको थालनीका रूपमा लिएको जनाउनुभएकाे छ ।
पुस्तकको भूमिका डम्बर खतिवडाले लेख्नुभएकाे छ । उहाँले उक्त पुस्तकले एक्काइसौं शताब्दीको वैश्विक–वैचारिक परिवेशलाई बुझ्न र विशेषतः उत्तर–गणतान्त्रिक युगको नेपाली राजनीतिको भावी कार्यदिशा निर्धारण गर्न अभिप्रेरणा दिने उल्लेख गर्नुभएकाे छ ।२७४ पृष्ठको उक्त पुस्तकको मूल्य ४६४ रुपैयाँ राखिएको छ ।
