- ट्रेण्डिङ :
एजेन्सी । भारत बायोटेकले विकास गरेको कोरोना भाइरसविरुद्धको खोप सुरक्षित सावित भएको छ । पहिलो चरणको क्लिनिकल ट्रायलबाट यस्तो नतिजा आएको हो ।
परीक्षणका क्रममा खोप दिइएका संक्रमितहरुमा कुनै खराब असर नदेखिएको र रोग प्रतिरोधी क्षमताको विकास राम्ररी भएको भेटिएको थियो ।
भारत बायोटेकको खोप कोभ्याक्सिन (बीबीभी १५२) को पहिलो चरणको क्लिनिकल ट्रायल गत सेप्टेम्बर महिनामा समाप्त भएको थियो भने हालै नतिजा सार्वजनिक गरिएको हो ।
भारतीय आयुर्विज्ञान अनुसन्धान परिषद (आइसिएमआर) को सहयोगमा भारत बायोटेकद्वारा विकसित कोरोनाविरुद्धको खोप कोभ्याक्सिन (बीबीभी १५२) को पहिलो चरणको क्लिनिकल ट्रायलमा एक मात्रै गंभीर केस देखिएको थियो ।
सबै संक्रमितहरुलाई ३० जुलाईमा खोप दिइएको थियो । तर एकजना संक्रमितलाई खोप दिइएको ५ दिनपछि पनि कोरोना संक्रमण निर्मुल हुन सकेको थिएन ।
यसलाई सामान्य लक्षण भनिए पनि १५ अगस्तमा उनलाई अस्पताल भर्ना गरिएको थियो । २२ अगस्तमा न्युक्लिक एसिडको परिणाम नकारात्मक देखिएपछि उनलाई अस्पतालबाट डिस्चार्ज गरिएको थियो ।
यो केस कोभ्याक्सिन (बीबीभी १५२) खोपको असरका कारण नभएको पनि पुष्टि भयो । कोभ्याक्सिन (बीबीभी १५२) खोपको पहिलो मात्रा दिंदा केही सहभागीहरुमा सामान्य असर देखिएको थियो ।
तर ति असरहरु औषधिको प्रयोग बिनै छिट्टै आफै समाप्त भए । पहिलो चरणको क्लिनिकल ट्रायलमा छुट्टा छुट्टै ११ वटा अस्पतालका ३७५ जना स्वयं सेवकहरुलाई सहभागी गराइएको थियो ।
कोभ्याक्सिन (बीबीभी १५२) लाई २ देखि ८ डिग्री सेल्सियसबीचको तापक्रममा रखिएको मेडआरएक्स आईभीले जनाएको छ ।
