- ट्रेण्डिङ :
नवलपुर -नवलपुरमा विद्यालयकाे ढाेकामा च्यापिएर ८ वर्षीया बालिकाकाे मृत्यु भएकाे छ । स्लाइड गरेर खाेल्ने र बन्द गर्ने गेटबाट ट्रयाक्टर भित्र लैजानका लागि खाेलिएकाे ढाेका एक्कासी पल्टिदा खेल्दै गरेकी बालिका च्यापिएर घटनास्थलमै मृत्यु भएकाे हाे ।
अर्का एक बालक सामान्य घाइते भएकाे विद्यालय प्रशासनले जनाएकाे छ ।
कावासाेती नगरपालिका ५, काे कालीका माविमा कक्षा ३ मा अध्ययनरत छात्रा गमित्रा सिंजालीकाे मृत्यु भएकाे प्रधानाध्यापक लेखराज पाेखरेलले बताउनुभएकाे छ । कक्षा ४ मा अध्ययनरत ९ वर्षका बालक विस्मत ढकाल घाइते भएका छन् ।
मृतक बालिकाकाे पाेष्टमार्टमका लागि मध्यविन्दु जिल्ला अस्पताल पठाइएकाे विद्यालय प्रशासनकाे भनाइ छ । सामान्य घाइते बालक ढकाल सामान्य उपचारपछि घर फर्किएका छन् ।
विद्यालयको ४१औं वार्षिकोत्सवको तयारी भएकाले विद्यार्थीहरू केही ढिलो गरी विद्यालय पुगेका थिए ।
;
