अन्जान गुभाजु नुवाकोट /अबिरल बर्षा पछि गए राति करिब १ बजे खसेको पहिरोले गोठ पुरिएर २ चौपाया मरेका छन् । नुवाकोटको विदुर नगरपालिका–१३ कागुनेका राज कुमार श्रेष्ठको भैँसी, पाडो पहिरोमा पुरिएको स्थानीय बसन्त श्रेष्ठले जानकारी दिएका छन् ।
पहिरो पछि प्रहरी र वडा अध्यक्ष लगायत स्थानीय जनप्रतिनिधिले निरीक्षण गरेका छन। करिब १ लाख ५० हजार बराबर पाडो र भैसी मरेर क्षति भएको र भैंसी गोठ करिब १ लाख जति क्षति अनुमान गरिएको श्रेष्ठले जानकारी दिए । गोठदेखि अलि पर रहेको घरमा भने कुनै क्षति हुन पाएन । “वस्तुभाउको क्षति भयो, पीडित लाई राहतको लागि वडा , नगरपालिकालगायत सम्बन्धित निकायमा पहल गरिने जनाएको छ। अर्को मध्ये पहाडी राजमार्ग अन्तगर्त देउडी ,कागुने खण्डमा २ हप्ता अघि गएको पहिरोको भल पसेर उपाकार बोडिङ स्कुल र स्थानीय मान ब तामाङ र सुकु तामाङ को नंया घर पुरेको छ ।उक्त पहिरोले प्रेम बहादुर तामाङ,मानबहादुर,सुन बहादुर तामाङ, नेवाङ तामाङ,कृष्णबहादुर तामाङ,कमानसिंह तामाङ, दुर्गा नारायण श्रेष्ठ, तप्केस्वर पाण्डे, र चन्द बहादुर खडका लगाएतको अन्दाजी २० रोपनीमा लगाएको धान खेतीमा समेत क्षति पुगेको छ।
उक्त पहिरो बेलैमा नियन्त्रण हुन नसके पहिरो खसेको ठाँउ भन्दा करिब ६० मिटर को दुरिमा रहेको बस्ती तथा झोलुङ्गे पुल समेत जोखिममा पर्ने देखिएको छ । पहिरोको भल बगे संगै डेउडी कागुने सडक अबरुद्ध भएको छ। देउडीबाट कागुने हुँदै सामरी जान एम्बुलेन्स लगायत सवारी साधनलाई कल्याणपुर ,खहरे हुँदै जानू पर्ने स्थानीय राजु खड्काले पिटि अनलाइन बताए ।
त्यस्तै १३ वडाको रिप स्थित कार्की गाउँको ठूलो पधेरामा पनि पहिरो खसेको स्थानीय नारायण खड्काले जानकारी गराएको छ । उक्त पहिरोले खासै क्षती पुर्याएको छैन । पहिरो नियन्त्रणका लागि स्थानियले नगरपालिका लगायत सम्बन्धित निकायसँग पहल गरिदिन आग्रह गरेका छन् । त्यस्तै अविरल वर्षासँगै पात्ले खोलामा आएको बाढीले विदुर नगरपालिका वडा -१० को गेर्खुखोलामा रहेको एक घर पुरेको छ भने १० घर उच्च जोखिममा परेको जनाएको छ।
