- ट्रेण्डिङ :
गोंगबु घटनामा देखिएको प्रतिशोधात्मक क्रुरताले समाज कुन बाटोतर्फ जाँदैछ भन्ने चित्रण गरेको छ । कोमल संवेदनशीलताको प्रतिक एउटी महिलाले यस्तो डर लाग्दो घटना घटाउँछ भन्ने सायद कमैले विश्वास गर्छन ।
मनोविश्लेषकहरु सामान्य महिला वा जो कोहिले पनि यस्तो डर लाग्दो घटना घटाउन नसक्ने बताउँछन् । यस्ता प्रकृतिको क्रुर घटनामा कुनै मानसिक समस्या नै भएको हुनुपर्ने उनीहरुको विश्लेषण छ ।
यसैबीच गोंगबु घटनाका अभियुक्त महिला डिप्रेशनको विरामी रहेको खुल्न आएको छ । उनी विगत दुई वर्षदेखि डिप्रेशनको औषधि लिइरहेको अनुसन्धानबाट खुलेको प्रहरीले जनाएको छ ।
मनोविद् गोपाल ढकालले अभियुक्त महिला 'मेनिया उन्माद'को विरामी भएको हुन सक्ने बताए । यो भनेको मानसिक रुपमा एकदम रिसालु हुनु हो ।
डिप्रेशनले सँधै निराशमात्र नभई मानिसलाई आक्रामक, हिंसात्मकसमेत बनाउँछ । गोंगबु घटना यसैको उपज भएको मनोविद् ढकालको अनुमान छ ।
पारिवारिक, आर्थिक, लकडाउनको प्रभाव र त्यसमा पनि यौन हिंसाबाट गुज्रिरहेकी उनले घटाएको यो घटना मानसिक समस्याको उपज भएको मनोविद् ढकालको भनाई छ ।
