शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । स्वीट्जरल्यान्ड अर्को वर्ष कतारमा आयोजना हुने फिफा विश्वकप २०२२ मा छनोट भएको छ ।
गएराति भएको छनोट चरणको अन्तिम खेलमा बुल्गेरियालाई ४-० गोल अन्तरले पराजित गर्दै स्वीट्जरल्यान्ड विश्वकपको लागि छनोट भएको हो ।
समूह ‘सि’ को अर्को खेलमा इटाली नर्दन आयरल्यान्डसँग गोलरहित बराबरीमा रोकिएपछि स्वीट्जरल्यान्ड सिँधै विश्वकपमा छनोट हुन सफल भयो ।
समूह ‘सी’ को विजेता बनेको स्वीट्जरल्यान्डले ८ खेलबाट १८ अंक जोड्यो । बराबरीमा रोकिएको इटाली १६ अंक सहित दोस्रो स्थानमा रह्यो ।
अब, विश्वकपमा स्थान बनाउन इटालीले प्ले अफ खेल्नुपर्नेछ । प्ले अफका खेलहरु मार्चमा हुनेछ । स्वीट्जरल्यान्डलाई सानदार जित दिलाउनको लागि नोआओ काफोर, रुवेन भार्गस, सेडरिक इटेन र रेमो फ्रिउलरले समान एक–एक गोल गरे ।
चारै गोल दोस्रो हाफमा सम्भव भएको थियो ।
