त्रिवि शिक्षण अस्पताल महाराजगञ्जले गएरातिदेखि लागू हुनेगरी अधिकांश सेवा बन्द गरेको छ । अस्पतालमा कार्यरत झण्डै डेढ दर्जन स्वास्थ्यकर्मीलाई कोरोना संक्रमण देखिएपछि अस्पतालले आकस्मिकसहितका अधिकांश सेवा बन्द गरेको हो ।
बुधबारदेखि नै आकस्मिक कक्ष सिल छ । बन्द गरिएका सेवाहरु अर्को सूचना नभएसम्म सुचारु नहुने अस्पतालका कोभिड संयोजक डा.सन्तकुमार दासले जानकारी दिए । उनले अहिलेसम्म कति जना स्वास्थ्यकर्मीलाई कोरोना संक्रमण भयो भन्ने जानकारी नभएको बताएका छन् ।
