शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
अर्थमन्त्री जनार्दन शर्माले क्रिकेट रंगशाला निर्माणमा साथ दिने भएपछि रंगशाला निर्माणको नेतृत्व गरिरहेको धुर्मुस–सुन्तली फाउन्डेशनको अध्यक्ष सीताराम कट्टेल (धुर्मुस) दंग भएका छन् ।
केही समय अगाडी धुर्मुसले आफूहरुले साचेको जस्तो सहयोग संकलन हुन नसकेको भन्दै सरकारलाई रंगशाला निर्माण गर्न आग्रह गरेको थियो । तर, अहिले अर्थमन्त्री शर्माले धुर्मुस–सुन्तली फाउन्डेसनलाई रंगशाला निर्माण गर्न सहयोग गर्ने बताएपछि रंगशाला निर्माणले गति लिने आश बढेको धुर्मुसले बताएका छन् ।
उनले अर्थमन्त्री र युवा तथा खेलकुद मन्त्रीसँग रंगशालाको विषयमा पटक–पटक कुराकानी भएको र अर्थमन्त्रीले सहयोग गर्ने बताएको उनले बताएका छन् ।
अर्थमन्त्री शर्माले धुर्मुसलाई निशास नहुन आग्रह गर्दै आफूले सहयोग गर्ने बताएका छन् । धुर्मुस र सुन्तलीको अगुवाइमा फाउन्डेसनले चितवनमा गौतमबुद्ध अन्तर्राष्ट्रिय क्रिकेट रंगशाला निर्माण गरिरहेका छन् ।
निर्माणका क्रममा करिब १७ करोड ऋण लागेपछि साउन १५ देखि निर्माणको काम रोकिएको छ ।
धुर्मुसले रंगशाला निर्माणका लागि गरिएको महायज्ञमा बोलकबोल गरिएको करोडौं रुपैयाँ नउठेको र निर्माण सामग्री किन्दाको उधारो रकम तिर्न नसक्दा काम रोक्न बाध्य भएको बताउँदै आएका थिए ।
