शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
वाटफोर्डलाई हराउँदै म्यानचेस्टर सिटी प्रिमियर लिगको शीर्ष स्थानमा उक्लिएको छ । शीर्ष स्थानमा रहेको चेल्सी वेस्ट ह्यामसँग पराजित भएपछि सिटीले शीर्ष स्थानमा उक्लिने अवसर पाएको हो ।
शनिबार भएको खेलको शुरुवातमा नै सिटीले अग्रता लिएको थियो । राहिम स्टर्लिङले चौथो मिनेटमा नै सिटीलाई अग्रता दिलाए । ३१ औँ मिनेटमा बर्नार्डो सिल्भाले सिटीको अग्रता दोब्बर बनाए ।
दोस्रो हाफमा सिल्भाले अर्को गोल थप्दै सिटीको जीत सुनिश्चित गरे । खेलको ७४ मिनेटमा कुचो हर्नान्डेजले वाटफोर्डका लागि सान्तवना गोल गरे ।
१५ खेलपछि सिटीको ३५ अंक रहेको छ । उता, लिभरपुलले पनि वुल्भ्सलाई संघर्षपूर्ण खेलमा हराउँदै लिगको दोस्रो स्थानमा उक्लिएको छ ।
लिभरपुलका लागि डिभोक ओरिजीले इन्जुरी समयमा गोल गरेका थिए । उनैको एकमात्र गोल निर्णायक बन्यो । लिभरपुल सिटीभन्दा एक अंकले पछि रहेको छ ।
