- ट्रेण्डिङ :
आगामी सेप्टेम्बर १९ देखि युएईमा हुने आइपिएल २०२० को प्रायोजक ड्रिम ११ बनेको छ । गत सिजनको प्रायोजक भिभो प्रायोजकबाट बाहिरिएपछि आइपिएलको नयाँ सिजनको प्रायोजकमा ड्रिम ११ आएको हो ।
ड्रिम ११ ले आइपिएल प्रायोजनका लागि २ सय २२ करोड भारतीय रुपैयाँ खर्च गर्ने भएको छ । प्रायोजनका लागि ड्रिम ११ संग २ सय २२ करोडको सम्झौता भएको आइपिएल आयोजक समितिका अध्यक्ष ब्रिजेश पटेलले जानकारी दिएका भारतीय सञ्चारमाध्यमले जनाएका छन् ।
१३औ सिजनको आइपिएल प्रायोजनका लागि ड्रिम ११ सँगै अनएकेडेमी, टाटा समूह र बाइजु पनि दौडमा थिए । यसअघि भारत र चीनबीचको विवादका कारण आइपिएलबाट भिभो अलग भएको थियो ।
