शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
सहिद स्मारक ‘ए’ डिभिजन लिग फुटबलमा आज दुई खेल हुँदैछ । काठमाडौंको त्रिपुरेश्वरस्थित दशरथ रंगशालामा हुने पहिलो खेलमा संकटा क्लब र नेपाल पुलिस क्लबबीच प्रतिस्पर्धा हुनेछ ।
संकटा र पुलिसबीचको खेल आज दिउँसो १ बजे सुरु हुनेछ । संकटा आज दोस्रो जित निकाल्ने योजनासहित मैदान उत्रनेछ । संकटा ३ खेलमा ५ अंक जोडेर छैटौं स्थानमा रहेको छ ।
पुलिसलाई हराएर संकटा शीर्ष तीनमा उक्लन चाहन्छ । पुलिस पनि आज दोस्रो जितको खोजीमा रहेको छ । पुलिस ५ अंक जोडेर सातौं स्थानमा रहेको छ ।
संकटालाई हराएर पुलिस शीर्ष तीनमा उक्लन चाहन्छ । त्यस्तै दोस्रो खेलमा जावलाखेल युथ क्लब र ब्रिगेड ब्वाइज क्लबबीच प्रतिस्पर्धा हुनेछ।
जावलाखेल र ब्रिगेडबीचको खेल आज अपरान्ह ४ः४५ बजे सुरु हुनेछ । जावलाखेल आज पहिलो अंकको खोजीमा रहेको छ । जावलाखेलले अघिल्ला तीन खेलमा लगातार हार ब्यहोरेको छ । जावलाखेल अंक विहीन रहँदै पुछारमा रहेको छ ।
ब्रिगेड आज दोस्रो जितको खोजीमा हुनेछ । ब्रिगेड ४ अंक जोडेर नवौं स्थानमा रहेको छ । जावलाखेललाई हराएर ब्रिगेड अंक तालिका सुधार गर्न चाहन्छ ।
