- ट्रेण्डिङ :
काठमाडौंको तापक्रम घट्ने क्रम जारी छ । आज बिहानको न्यूनतम तापक्रम ३.६ डिग्री सेल्सियस रहेको छ।
आज बिहान ६ बजे काठमाडौंमा ३.६ डिग्री सेल्सियस तापक्रम मापन गरिएको मौसम पूर्वानुमान महाशाखाले जनाएको हो।
आज दिउँसो काठमाडौंको अधिकतम तापक्रम १६ देखि १८ डिग्री सेल्सियससम्म पुग्ने महाशाखाको भनाइ छ। बिहान तापक्रम घटे पनि दिउँसो भने न्यानो घाम लाग्ने महाशाखाले जनाएको छ।
आज बिहान त्रिभुवन अन्तर्राष्ट्रिय विमानस्थलको भिजिविलिटी पनि पर्याप्त छैन ।
भिजिविलिटी दुई हजार मिटर मात्रै रहेको छ।
यो भिजिविलिटीमा अन्तर्राष्ट्रिय उडान तथा अवतरण गर्न नसकिने महाशाखाले जनाएको छ। तर, डोमेस्टिकतर्फको उडान तथा अवतरण भने यो भिजिविलिटीमा गर्न सकिने महाशाखाले बताएको छ।
