- ट्रेण्डिङ :
कोरोना भाइरसको संक्रमणबाट ज्यान गुमाउनेको संख्या बढ्न थालेको छ । गएराति र आज थप ६ जनाको कोरोनाबाट मृत्यु भएको हो । ज्यान गुमाउनेको संख्या १ सय २० पुगेको छ ।
कोरोना भाइरसको संक्रमणबाट पर्सामा थप दुईजनाको मृत्यु भएको छ । ५७ वर्षीय र ८४ वर्षीय पुरुषको कोरोना संक्रमणबाट मृत्यु भएको जिल्ला स्वास्थ्य कार्यालय पर्साले जनाएको छ । कोरोना भाइरसको संक्रमणबाट वीरगञ्जमामात्रै ३० जनाको ज्यान गइसकेको छ ।
त्यस्तै सुनसरीमा पनि एक महिलाको कोरोनाबाट मृत्यु भएको छ । ७१ वर्षीया महिलाको मृत्यु भएको वीपी कोइराला स्वास्थ्य विज्ञान प्रतिष्ठान धरानले जनाएको छ । ती महिला २४ गतेदेखि अस्पतालमा भर्ना भएकी थिइन् ।
मकवानपुरमा पनि कोरोनाबाट एक महिलाको मृत्यु भएको छ । हेटौंडा उपमहानगरपालिका १ चौकी टोलका ६१ वर्षीय पुरुषको कोरोना संक्रमणबाट मृत्यु भएको जिल्ला स्वास्थ्य कार्यालय मकवानपुरले जनाएको छ ।
त्यस्तै भक्तपुरकी एक महिलाको पनि मृत्यु भएको छ । कोरोना संक्रमणपछि पाटन अस्पतालमा उपचाररत भक्तपुर सूर्यविानायककी ६१ वर्षीया महिलाको आज बिहान मृत्यु भएको हो । उनी क्यान्सरबाटसमेत पीडित थिइन् ।
त्यस्तै वीपी कोइराला स्वास्थ्य विज्ञान प्रतिष्ठान धरानमा पनि कोरोना संक्रमणबाट एक महिलाको मृत्यु भएको छ । मोरङको बुढीगंगा २ की ६५ वर्षीया महिलाको उपचारका क्रममा मृत्यु भएको अस्पतालका प्रवक्ता डा.निदेश सापकोटाले जानकारी दिए ।
नेपालमा योसँगै कोरोना संक्रमणबाट ज्यान गुमाउनेको संख्या १ सय २० पुगेको छ ।
