बिहिवार, कार्तिक २० गते २०८३
- ट्रेण्डिङ :
- # मनाेरञ्जन
मकवानपुरको प्रमुख पर्यटकीय गन्तव्य उत्तरी क्षेत्रको विभिन्न स्थानमा आज बिहानदेखि हिउँ परेको छ ।
जिल्लाको थाहा नगरपालिकाको दामन, सिमभञ्ज्याङ तथा अघोर लगायतका स्थानमा बिहानैदेखि हिउँ परेको हो ।
बुधबार बिहानदेखि थाहा नगरपालिकाको २ हजार ४ सय ८८ मिटर उचाईमा रहेको सिमभञ्ज्याङमा हरेक वर्ष जाडोयाममा हिउँ परेको छ ।
उक्त क्षेत्रमा परेका हिमपातले हेटौँडा–काठमाडौँतर्फको यातायात सेवा आज बिहानैदेखि अवरुद्ध भएको इलाका प्रहरी कार्यालय पालुङका प्रहरी निरीक्षक श्रीराम तिमल्सिनाले जानकारी दिए ।
उनका अनुसार, उक्त स्थानमा अहिले हिउँ परिरहेकोले काठमाडौँबाट हेटौँडातर्फ र हेटौँडाबाट काठमाडौँतर्फ जाने विभिन्न प्रकारको सवारीसाधनहरू सुचारु गर्दा दुर्घटना हुने सम्भावनाको जोखिम देखिएकोले यातायात सञ्चालनमा रोक लगाएको हो ।
मौसम सुधार भएमा आज दिउँसो अपराह्नसम्ममा हिउँ पन्छाएर यातायात सुचारु गर्ने तयारी भइरहेको उनले बताए ।
