बिहिवार, कार्तिक २० गते २०८३
- ट्रेण्डिङ :
- # मनाेरञ्जन
पूर्वराजा ज्ञानेन्द्र शाहकी नातिनी कृतिका शाहले नेपाली नागरिकता लिएकी छन् ।
जिल्ला प्रशासनका कार्यालय काठमाडौंमा पूर्वयुवराज्ञी हिमानी शाहसँगै पुगेर उनले नेपाली नागरिकता लिएकी हुन् ।
हिमानी शाहको सनाखतमा उनलाई नागरिकता दिइएको काठमाडौंका प्रमुख जिल्ला अधिकारी गोविन्द रिजालले बताएका छन् ।
नागरिकतामा उनको नाम ‘कृतिका राज्यलक्ष्मी देवी शाह’उल्लेखित छ । कृतिकाले वंशजको नागरिकता प्राप्त गरेकी हुन् ।
प्रजिअ रिजालले उनलाई नागरिकताको प्रमाणपत्र हस्तान्तरण गरेका थिए।
१८ वर्ष पुगेकी कृतिका पारस–हिमानीकी कान्छी छोरी हुन्। उनकी दिदी पूर्णिका र दाजु हृदयन्द्रले पनि जिप्रकामै पुगेर नागरिकता लिएका थिए ।
