चितवनमा दुई जना नर्ससहित थप २६ जनामा कोरोना संक्रमण भएको छ । गएरातिको परीक्षणमा १५ पुरुष र ११ जना महिलामा कोरोना पुष्टि भएको भरतपुरस्थित प्रयोगशालाले जनाएको छ । संक्रमितमध्ये क्यान्सर अस्पताल भरतपुरका दुईजना नर्स रहेका छन् ।
अन्य १९ व्यक्ति पनि भरतपुर महानगरपालिका भित्रका रहेका छन् । केही राप्ती नगरपालिकाका पनि छन् । भरतपुर अस्पतालका सूचना अधिकारी लिलाधर पौडेलले पछिल्लो समय लक्षण भएका संक्रमित फेला पर्न थालेको जानकारी दिए । चितवनमा गरिएको स्वाब परीक्षणका क्रममा नवलपुर, पर्सा, पर्वत र मकवानपुरका एक एकजनामा पनि कोरोना संक्रमण पाइएको छ ।
