- ट्रेण्डिङ :
सहिद स्मारक ‘ए’ डिभिजन लिग फुटबल अन्तर्गत आज एक खेल हुँदैछ ।
जारी लिग अन्तर्गत आज सातौं चरणको अन्तिम एक खेल हुन लागेको हो ।
त्रिपुरेश्वरस्थित दशरथ रंगशालामा हुने खेलमा सातदोबाटो युथ क्लब र हिमालयन शेर्पा क्लबबीच प्रतिस्पर्धा हुनेछ ।
सातदोबाटो र शेर्पाबीचको खेल आज दिउँसो १ बजे सुरु हुनेछ ।
नवप्रवेशी क्लब सातदोबाटो आज तेस्रो जितको खोजीमा रहेको छ ।
सातदोबाटो ६ खेलमा ८ जोडेर सातौं स्थानमा रहेको छ ।
शेर्पालाई हराएर सातदोबाटो शीर्ष पाँचमा उक्लन चाहन्छ ।
शेर्पा पनि तेस्रो जितको खोजीमा रहेको छ ।
शेर्पा ८ अंक जोडेर आठौं स्थानमा रहेको छ ।
सातदोबाटोलाई हराएर शेर्पा पनि शीर्ष पाँचमा उक्लने योजनामा रहेको छ ।
लिगमा १४ टोलीले प्रतिस्पर्धा गरिरहेका छन् ।
पुछारमा रहने दुई टोली रेलिगेसनमा पर्नेछन।
