- ट्रेण्डिङ :
सरकारले कोरोना भाइरसको परीक्षणका लागि पिसिआर टेष्टमा मात्रै ३ अर्ब १८ करोड रुपैयाँ खर्च गरेको छ । नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले ३ अर्ब १८ करोड रुपैयाँ पिसिआर टेष्टमा मात्रै खर्च भएको बताए ।
सरकारले अहिलेसम्म कोरोना परीक्षण गर्दा ३ अरव १८ करोड ९४ लाख ४४ हजार ५ सय खर्च गरिसकेको प्रवक्ता गौतमले जानकारी दिए । यो शुक्रबारसम्मको खर्च हो । मन्त्रालयले एउटा पिसिआर टेस्टका लागि ५ हजार ५०० खर्च हुने गरेको जनाएको छ ।
यो खर्चको विवरण पिपिइ, मास्क लगायतका अन्य स्वास्थ्य सामग्रीको नभएको प्रवक्ता गौतमले प्रष्ट पारे । आइसियुमा ३० दिन राख्दा एकजना बिरामीको ४ लाख ५० हजार रुपैयाँ तिर्नुपर्ने गौतमले जानकारी दिए ।
