बुधवार, कार्तिक १९ गते २०८३
- ट्रेण्डिङ :
- # समाज
- # मनाेरञ्जन
हाल देशमा पश्चिमी न्यून चापीय प्रणालीको प्रभाव कायम रहेको छ ।
तराईका केही भूभागमा हुस्सु–कुहिरो लागेको छ । आज दिउँसो सुदूरपश्चिम र कर्णाली प्रदेशका धेरैजसो स्थानमा तथा गण्डकी र लुम्बिनी प्रदेशका केही स्थानमा मेघ गर्जन र चट्याङसहित हल्का वर्षाको सम्भावना रहेको छ।
देशका उच्च पहाडी तथा हिमाली भूभागका धेरैजसो स्थानमा हल्कादेखि मध्यम हिमपात हुने सम्भावना रहेको रहेको मौसम पूर्वानुमान महाशाखाले जानकारी दिएको छ ।
आज राति पनि सुदूरपश्चिम, कर्णाली र गण्डकी प्रदेशका थोरै स्थानमा वर्षाको सम्भावना छ । आइतबार सुदूरपश्चिम र कर्णालीका धेरैजसो स्थानमा र बाँकी प्रदेशका एक, दुई स्थानमा हल्का वर्षाको सम्भावना रहेको छ।
त्यस्तै उच्च पहाडी तथा हिमाली भूभागका धेरैजसो स्थानमा हल्कादेखि मध्यम हिमपातको सम्भावना रहेको छ । सोमबार पनि वर्षा हुने सम्भावना रहेको छ । महाशाखाका अनुसार सुदूरपश्चिम र कर्णालीका धेरैजसो स्थानमा पानी पर्नेछ ।
लुम्बिनीका केही स्थान र बाँकी प्रदेशका एक, दुई स्थानमा पनि वर्षाको सम्भावना छ । उच्च पहाडी तथा हिमाली भूभागका धेरैजसो स्थानमा हल्कादेखि मध्यम हिमपातको सम्भावना रहेको मौसम पूर्वानुमान महाशाखाले जनाएको छ ।
