- ट्रेण्डिङ :
बागमती प्रदेश प्रधानमन्त्री (पिएम) कप टी–२० क्रिकेट प्रतियोगिताको अन्तिम चारमा प्रवेश गरेको छ ।
टियु क्रिकेट मैदानमा शनिबार गण्डकी प्रदेशलाई ४० रनले हराउँदै बागमती अन्तिम चारमा पुगेको हो ।
बागमतीले दिएको १ सय ४४ रनको लक्ष्यसहित जबाफी ब्याटिङ गरेको गण्डकीले २० ओभरमा ९ विकेट गुमाएर १ सय ३ रन मात्र बनाउन सक्यो । यसअघि पहिले ब्याटिङ गरेको बागमतीले २० ओभरमा ९ विकेट गुमाएर १ सय ४३ रन बनाएको थियो ।
बागमतीका लागि विपिन आचार्यले सर्वाधिक ३० रन जोडे । गण्डकीका विशाल पौडेल र कृष्ण पौडेलले २÷२ विकेट लिए । अशोक श्रेष्ठ, सुबाश भण्डारी र कमल परियारले १÷१ विकेट लिए ।
यस जितसँगै समूह ‘बी’मा रहेको बागमतीले ४ खेलमा ६ अंक जोड्यो । बागमती समूहको उपविजेता बन्दै अन्तिम चारमा पुगेको हो । गण्डकी ३ खेलमा अंकविहीन रहेको छ । गण्डकी पुछारमा रहेको छ ।
