आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
काठमाडौँको चन्दागिरि नगरपालिकामा एक जनाको हत्या भएको छ ।
दाजुभाइबीचको सामान्य घरायसी विवादमा चक्कु प्रहार हुँदा एक जनाको मृत्यु भएको प्रहरीले जनाएको छ ।
चन्द्रागिरि नगरपालिका–८, गुर्जुधारामा चक्कु प्रहारबाट एक जना मृत्यु भएको छ भने अर्का एक जना घाइते छन् ।
महानगरीय प्रहरी वृत्तअनुसार मातातीर्थ घर भइ गुर्जुधारा बस्दै आएका २६ वर्षीय रोशन रिजालको हत्या भएको हो ।
हत्यामा संलग्न रहेको अभियोगमा प्रहरीले अनुज र अशोक बस्नेतलाई पक्राउ गरेको छ ।
प्रहरीका अनुसार उनीहरु दाजुभाइ हुन् । एक जनालाई आइतबारै पक्राउ गरिएको थियो भने अर्का चाहिँ भागेर धादिङ पुगिसकेका थिए । उनलाई सोमबार पक्राउ गरेर ल्याएको प्रहरीले जनाएको छ ।
शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाइएको छ।
