शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
हाल देशभरको मौसममा पश्चिमी न्यून चापीय प्रणालीको आंशिक प्रभाव रहेको छ ।
आज बिहान पहाडी भूभागको मौसममा आंशिक बदली भएको छ भने तराईमा हुस्सु लागेको छ । आज दिउँसो प्रदेश १, बागमती तथा गण्डकीका पहाडी भूभागको मौसममा आंशिकदेखि सामान्यतया बदली रहेको छ ।
त्यस्तै देशका बाँकी भूभागको मौसममा आंशिक बदली देखि मौसम सामान्यतया सफा रहने छ ।
प्रदेश १, बागमती तथा गण्डकी प्रदेशको पहाडी भूभागका थोरै स्थानमा हल्का वर्षाको सम्भावना रहेको मौसम पूर्वानुमान महाशाखाले जानकारी दिएको छ ।
उच्च पहाडी तथा हिमाली भूभागका केही स्थानमा हल्का हिमपातको महाशाखाले आँकलन गरेको छ । शुक्रबार पहाडी भूभागमा आंशिक बदली रही बाँकी क्षेत्रमा मौसम सामान्यतया सफा रहनेछ ।
पहाडी भूभागका एक–दुई स्थानमा हल्का वर्षाको सम्भावना छ । उच्च पहाडी तथा हिमाली भूभागका थोरै स्थानमा हल्का हिमपातको आँकलन गरिएको मौसम पूर्वानुमान महाशाखाले जनाएको छ ।
