- ट्रेण्डिङ :
नेपाली राष्ट्रिय क्रिकेट टोली ओमानमा आयोजना हुने आइसिसी पुरुष टी–२० विश्वकपको ग्लोबल छनोटका लागि प्रशिक्षणमा जुटेको छ ।
नेपाली टोलीले ओमानमा आयोजना हुने आइसिसी पुरुष टी–२० विश्वकपको ग्लोबल छनोटका लागि तयारी गरिरहेको छ ।
ग्लोबल छनोटमा नेपाल रहेको समूह ‘ए’ अन्तर्गतका खेलहरु फेब्रुअरी १७ देखि २४ तारिखसम्म आयोजना हुने छ ।
यस समूहमा आयोजक ओमानसहित, नेपाल, फिलिपिन्स, क्यानाडा, युएइ, बहराइन, आयरल्यान्ड र जर्मनी रहेका छन् ।
समूह ‘ए’ अन्तर्गत विभाजन भएको ग्रुप टु मा नेपाल, क्यानाडा, फिलिपिन्स र ओमान रहेका छन् ।
नेपालले ओमानविरुद्ध खेल्दै छनोटको सुरुवात गर्ने छ ।
नेपाल र ओमानबीचको खेल फेब्रुअरी १८ तारिखमा ओमान क्रिकेट एकेडेमी ग्राउन्डमा हुने छ ।
छनोटअघि नेपालले ओमानमा चारदेशीय टी–२० सिरिज खेल्ने छ । सिरिजमा नेपालसहित आयरल्यान्ड, युएइ र ओमान रहेका छन् ।
यस्तै भारतीय मुलका प्रशिक्षक रघुराम श्रीनिवास नेपाली क्रिकेट टिमको फिल्डिङ कन्सल्ट्यान्ट प्रशिक्षक नियुक्त भएका छन् ।
नेपाल क्रिकेट संघ (क्यान०)ले श्रीनिवास फिल्डिङ कन्सल्ट्यान्ट प्रशिक्षकको रुपमा नेपाली टोलीसँग जोडिएको जनाएको छ ।
