शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नवलपरासी (पश्चिम ) मा स्कुटी र मोटरसाइकल एकआपसमा ठोक्किँदा एक जनाको ज्यान गएको छ ।
अन्य चार जना घाइते भएका छन् । जिल्लाको सुस्ता गाउँपालिका–२ , हरकपुरस्थित भित्रि सडकमा पश्चिमबाट पूर्वतर्फ जाँदै गरेको लु १८ प ८६०५ नम्वरको स्कुटर र विपरित दिशा तर्फबाट आउँदै गरेको युपी ५६ एएन ७२३५ नम्वरको मोटरसाइकल एक आपसमा ठोकिँदा एक जनाको मृत्यु भएको हो ।
मृत्यु हुनेमा उक्त मोटरसाईकल चालक भारतको महाराजगञ्ज आनन्दनगर फरेन्दा बजार बस्ने अन्दाजी १९ बर्षीय अरबिन्द चमार रहेका छन् ।
उनको शहीद स्मृति सामुदायिक अस्पतालमा उपचारका क्रममा मृत्यु भएको जिल्ला प्रहरी प्रवक्ता डिएसपी प्रेमबहादुर शाहीले जानकारी दिए ।
उनका अनुसार सोही मोटरसाइकलको पछाडी सवार अन्दाजी ३५ बर्षीया कलावती चमार र अन्दाजी बर्ष १९ का रामकरण चमार सामन्य घाइते भएका छन् ।
उनीहरुको सोही अस्पतालमा उपचार भई रहेको छ । स्कुटर चालक बर्दघाट नगरपालिका–१५ का १८ बर्षीय अमृत सुनार र सोही स्थानका १७ बर्षीय निर्मल तामाङको हात खुट्टा भाँचिएको र उनको अवस्था गम्भीर रहेको प्रहरीले जनाएको छ ।
