- ट्रेण्डिङ :
नेपालमा थप २ हजार ५२६ जनामा कोरोना संक्रमण पुष्टि भएको छ भने १६ जनाकाे मृत्यु भएकाे छ ।
देशभर गरिएको ६ हजार ६५५ पिसिआर परीक्षणका क्रममा १ हजार ६०२ जना र ४ हजार ४१८ एन्टिजेन परिक्षणका क्रममा ९ सय २४ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
त्यस्तै कोरोनाका कारण थप १६ जनाको मृत्यु भएको छ ।
हालसम्म नेपालमा कोरोनाका कारण ११ हजार ७९४ जनाको मृत्यु भएको छ ।
शुक्रबार थप ८ हजार ४२५ संक्रमित निको हुँदा हालसम्म नेपालमा ८ लाख ९५ हजार ८६८ जना निको भएका छन् ।
हाल नेपालमा ५६ हजार ४५७ सक्रिय संक्रमित रहेको मन्त्रालयले जनाएको छ ।
