- ट्रेण्डिङ :
बागलुङ नगरपालिका-२ का २० बर्षका दुई जना पुरुषमा कोरोना भाइरस संक्रमण पुष्टि भएको छ ।
कोरोना भाइरस संक्रमण समुदाय स्तरमा फैलिएपछि कन्ट्याक ट्रेसिङका आधारमा गरिएको परीक्षणमा थप दुई जनामा संक्रमण पुष्टि भएको हो ।
गण्डकी प्रदेशको राजधानी पोखरामा गरिएको परीक्षणको क्रममा उनीहरुको रिपोर्ट पोजेटिभ आएको बागलुङ नगरपालिकाका स्वास्थ्य शाखा प्रमुख रामप्रसाद खनालले जानकारी दिनुभयो ।
केही दिनअघि सक्रमित महिलाको सम्पर्कमा आएका ६ जनामा कोरोना संक्रमण देखिएपछि पुन गरिएको कन्ट्याक्ट ट्रेसिङमा उनीहरुमा कोरोना भाइरस संक्रमण पुष्टी भएको हो ।
सदरमुकाम बागलुङ बजार क्षेत्र भित्रै कोरोना संक्रमण बढ्न थालेसंगै जोखिम बढेको छ ।
