- ट्रेण्डिङ :
नेपालले ओमानविरुद्ध ६ विकेटको रोमाञ्चक जित हासिल गरेको छ ।
ओमानले दिएको १३६ रनको लक्ष्य नेपालले १९. ३ ओभरमा ४ विकेट गुमाएर हासिल गरेको हो । नेपालले चार देश सम्मिलित टी-२० अन्तर्राष्ट्रिय क्रिकेट शृंखलाको पहिलो खेलमा घरेलु टिमलाई हराउँदै विजयी सुरुवात गरेको हो ।
पछिल्लो समय एसोसिएट सदस्यमध्ये सबैभन्दा शसक्त देखिएको ओमानलाई हराउन नेपालले कसिलो बलिङ गर्यो भने दिपेन्द्र ऐरीले शानदार ब्याटिङ गरे ।
उनले ५३ बलमा १ छक्का र ८ चौकासहित ७३ रन बनाए । टी-२० अन्तर्राष्ट्रिय क्रिकेटमा दीपेन्द्रले दोस्रो अर्धसतक बनाएका हुन् । उनलाई साथ दिँदै आरिफ शेखले २५ रन बनाए ।
यी दुईबीच चौथो विकेटका लागि ४५ रनको साझेदारी भएको छ । अन्तिम ओभरमा ९ रन आवश्यक थियो, नेपाललाई । दिपेन्द्रले पहिलो र तेस्रो बलमा चौका प्रहार गरेका थिए ।
घरेलु टोलीले २४ रन जोड्दा पहिलो विकेट गुमाएको थियो । अविनाश बोहराले तेस्रो ओभरको अन्तिम बलमा पहिलो सफलता दिलाएका थिए । उनले १८ औँ ओभरमा थप दुई विकेट लिएका थिए। उनले चार ओभरमा २६ रन खर्चिए ।
