शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
आईसीसीको टी–ट्वान्टी क्रिकेटको वरीयतामा नेपालको स्थान खस्किएको छ ।
आईसीसीले सोमबार सार्वजनिक गरेको वरीयता अनुसार नेपाल एक स्थान तल झरेको छ । जस अनुसार नेपाल अहिले वरियताको १३औं स्थानमा आइपुगेको छ । यस अघि नेपाल १२औं स्थानमा रहेको थियो ।
सोमबार ओमानमा सम्पन्न चारदेशीय टी–ट्वान्टी सिरिजको तीन खेलमध्ये नेपालले दुई खेलमा पराजित भएको थियो । सिरिज जितेको युएई भने १२औं स्थानमा उक्लिएको छ ।
वरीयताको शीर्ष स्थानमा भने इंग्ल्यान्ड, दोस्रो स्थानमा भारत र तेस्रो स्थानमा पाकिस्तान रहेको छ । चारदेशीय सिरिजमा सहभागी आयरल्यान्ड १५औं तथा ओमान १८औं स्थानमा रहेका छन् ।
एकदिवसियमा भने नेपाल १६औं स्थानमा रहेको छ ।
