आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
धरान उपमहानरपालिका–४ भेडेटार जाने सडक खण्डको जंगलमा जेब्रा झोलाभित्र एक पुरुषको टाउको र खुट्टा फेला परेको छ ।
प्रदेश प्रहरी कार्यालय विराटनगरका अनुसार बुधबार साँझ जेब्रा झोलाभित्र मानिसको टाउको र खुट्टा फेला परेको हो ।
जंगलमा दाउरा खोज्न गएका सथानीयले दुर्गन्ध आएको र जेब्रा झोलामा मानिसको खुट्टा बाहिर देखेपछि प्रहरीलाई खबर गरेका थिए ।
घटनास्थलमा प्रहरी पुगेर हेर्दा जेब्रा झोलाभित्र टाउको र खुट्टा फेला पारेको संघीय इकाई प्रहरी कार्यालय धरानका एसपी भीम दाहालले बताए । टाउको पुरुषको भए पनि पहिचान खुल्न नसकेको प्रहरीले जनाएको छ ।
टाउको र खुट्टा झोलामा भेटिएको भए पनि शवको जिउ भने भेटिएको छैन ।
हत्या गरेर फालिएको हुनसक्ने प्रहरीको अनुमान छ । घटनाबारे इलाका प्रहरी कार्यालय धरानले अनुसन्धान गरिरहेको छ ।
