- ट्रेण्डिङ :
आइसिसी पुरुष टी–२० विश्वकप छनोटअन्तर्गत नेपालले फिलिपिन्सलाई २१९ रनको विशाल लक्ष्य दिएको छ । टस हारेर पहिले ब्याटिङको निम्तो पाएको नेपालले ओपनर कुशल भुर्तेलको शतकीय पारीको मद्धतमा ३ विकेट गुमाउँदै २१८ रन बनाएको थियो ।
भुर्तेल १०४ रनमा अविजित रहे । ६१ बलको सामना गरेका भुर्तेलले १३ चौका र एक छक्काको मद्धतमा १०४ रन जोडे । यस्तै, दीपेन्द्रसिंह ऐरीले पनि अर्धशतकीय पारी खेले । उनले ४७ बलमा ४ छक्का र ६ चौकाको मद्धतमा ८३ रनमा आउट भए ।
खराब सुरुवात गरेको नेपालका लागि ओपनर आशिफ शेख शून्य रनमा आउट भए । यस्तै, लोकेश बमले नटआउट ६ रन बनाए ।
कुशल भुर्तेलको शतक
नेपालका ब्याटर कुशल भुर्तेलले अन्तर्राष्ट्रिय टी–२० क्रिकेटमा पहिलो शतक प्रहार गरेका छन् । आइसिसी पुरुष टी–२० विश्वकप छनोटअन्तर्गत शनिबार फिलिपिन्ससँगको खेलमा भुर्तेलले शतक प्रहार गरेका हुन् ।
टी–२० क्रिकेटमा यसअघि नेपालका पूर्वकप्तानद्वय पारस खड्का र ज्ञानेन्द्र मल्लले मात्रै शतक प्रहार गरेका थिए । भुर्तेलले आठौँ अन्तर्राष्ट्रिय खेलमै शतक प्रहार गर्न सफल भएका हुन् ।
६१ बलको सामना गरेका भुर्तेलले १३ चौका र एक छक्काको मद्धतमा १०४ रनको पारी खेलेका थिए ।
