कोरोना भाइरसको संक्रमणबाट ललितपुरको पाटन अस्पतालमा उपचाररत एक महिलाको मृत्यु भएको छ ।
महोत्तरी स्थायी घर भएकी ६२ वर्षीया महिलाको आज मृत्यु भएको जिल्ला स्वास्थ्य कार्यालय ललितपुरले जनाएको छ ।
ती महिलाको गएको ९ गतेदेखि उपचार भइरहेको थियो । आज नै पाटन अस्पतालमा काठमाडौं र भक्तपुरका दुई महिलाको मृत्यु भएको थियो । पछिल्लो २४ घन्टामा पाटन अस्पतालमा कोरोनाबाट ३ जनाको मृत्यु भएको छ ।
