- ट्रेण्डिङ :
नायिका केकी अधिकारीले विवाह गरेकी छन् ।
केही समयदेखि रोहित तिवारीसँग प्रेम सम्बन्धमा रहेकी अधिकारीले आफूनिकट साथी र परिवारकाबीच विवाह गरेकी हुन् । उनले बुधबार बिहे गरेकी हुन् । तर, अधिकारीले बिहेका तस्बिर भने बिहीबार मात्र सार्वजनिक गरेकी छन् ।
करिष्मा मानन्धरले नाम फेरेर राखिन् ‘सूर्यकुमारी’
नेकपा (एमाले)मा प्रवेश गरेकी अभिनेत्री करिष्मा मानन्धरले आफ्नो फेसबुक पेजमा नाम फेरेकी छन् । उनले बिहीबारदेखि आफ्नो वास्तविक नाम पछाडि ‘सूर्यकुमारी’ थपेकी छन् ।
एक महिनाअघि एमाले प्रवेश गरेकी उनले ३ लाख ७६ हजार फलोअसै रहेका भेरिफाइड फेसबुक पेजलाई परिवर्तन गरेर करिष्मा मानन्धर ‘सूर्यकुमारी’ राखेकी हुन् ।
केही समयअघि बुटवलमा नेकपा (एमाले)को सभामा बोल्दै अभिनेत्री मानन्धरले आफ्नो नाम सूर्यकुमारी भएको बताएकी थिइन् । आफ्नो नाम एमालेको चुनाव चिन्हसँग मिलेका प्रसंग निकाल्दै उनले न्वारनको नाम सूर्यकुमारी भएको बताएकी थिइन् ।
त्यसपछि उनी सूर्यकुमारी नामले सामाजिक सञ्जालमा छाएकी थिइन् । कतिपयले नामकै कारण उनलाई ट्रोलसमेत गरे । टाइमलाइनमा व्यापक चर्चा भएपछि करिष्माले पुनः आफ्नो नामले पोलेको भन्दै आलोचकलाई जबाफ दिइन् ।
करिष्माको सूर्यकुमारी नामप्रतिको मोह अब भाषणमा मात्र सीमित रहेन । उनले सामाजिक सञ्जालमै यो नामलाई प्रवेश गराइदिएकी छन् ।
