- ट्रेण्डिङ :
नेपालमा कोरोना संक्रमितको संख्या पनि ३९ हजार नाघेको छ । पछिल्लो २४ घन्टामा विभिन्न जिल्लामा ८ सय ९९ जनामा कोरोना संक्रमण देखिएको मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले विभिन्न जिल्लामा थपिएका ८ सय ९९ जनासहित देशभर संक्रमितको संख्या ३९ हजार ४ सय ६० पुगेको छ । संक्रमितमध्ये २१ हजार ४ सय १० जना उपचारपछि घर फर्किएका छन् भने २ सय २८ जनाको ज्यान गएको छ ।
पछिल्लो २४ घन्टामा कोरोना भाइरसको संक्रमणबाट ७ जनाको मृत्यु भएको छ । स्वास्थ्य तथा जनसख्ंया मन्त्रालयले ३ महिला र ४ पुरुषसहित ७ जनाको मृत्यु भएको जनाएको छ । कोरोनाबाट देशभर ज्यान गुमाउनेको संख्या २ सय २८ पुगेको छ ।
मन्त्रालयका अनुसार महोत्तरीमा ४ वर्षीया बालिका, गोरखामा ६५ वर्षीया महिला र रुपन्देहीमा ६८ वर्षीया महिलाको मृत्यु भएको छ । त्यस्तै झापामा ८६ वर्षीय पुरुष, रौतहटमा ४० वर्षीय पुरुष, चितवनमा ७८ वर्षीय पुरुष र भक्तपुरमा ७७ वर्षीय पुरुषको ज्यान गएको छ ।
