- ट्रेण्डिङ :
स्थानीय तहको निर्वाचनमा मतदान गरेर फर्कँदै गर्दा एक वृद्धाको मृत्यु भएको छ ।
बैतडीको जोगडा केदार गाउँपालिका–३ स्थिति मतदानकेन्द्रमा मतदान गरेर फर्कँदै गर्दा ८४ वर्षीय हरिसिंह भाटको मृत्यु भएको हो ।
भाटको आज बिहान ८ बजे सनातन धर्म मावि खोचलेकमा मतदान गरेपछि फर्कने क्रममा मतदानस्थलबाहिर पुग्नेबेला मुर्छा परेका र बाटोमै मृत्यु भएको प्रहरीले जनाएको छ ।
हुम्लामा प्रहरीमाथि ढुंगामुढा : ७ राउण्ड गोली चल्यो, मतदान अधिकृतसहित २ जना घाइते
हुम्लामा मतदानका क्रममा झडप भएको छ । एक समूहले प्रहरीमाथि नै ढुंगामुढा गरेपछि प्रहरीले ७ राउण्ड गोली चलाएको छ ।
स्थानीयको ढुंगामुढाबाट मतदान अधिकृतसहित २ जना घाइते भएका छन् । माथिल्लो हुम्लाको तंखेली गाउँपालिका २ स्थित महादेव मावि मतदान केन्द्रमा सो तनाव भएको हो ।
ढुंगामुढाबाट मतदान अधिकृत कृष्ण प्रसाद आचार्य र कार्यालय सहयोगी घाइते भएको कर्णाली प्रदेश कार्यालयका एसएसपी राजेशनाथ बास्तोलाले जानकारी दिए ।
