शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पश्चिम नवलपरासीकी कोरोना संक्रमित एक महिलाको मृत्यु भएको छ । रुपन्देहीको भैरहवास्थित भीम अस्पतालमा उपचाररत रामग्राम नगरपालिका ५ परासीकी ६५ वर्षीया महिलाको गएराति मृत्यु भएको अस्पतालले जनाएको हाे ।
उनी यही भदौ १५ गते अस्पतालमा भर्ना भएकी थिइन् ।
संक्रमित ती महिलाको गएराति ९ः४५ बजे उपचारकै क्रममा मृत्यु भएको अस्पतालका सूचना अधिकारी डा. नारायण पोखरेलले पुष्टी गरेका हुन ।
भदौ १४ गते कोरोना संक्रमण पुष्टि भएपछि स्वासप्रश्वासमा समस्या आएका कारण उनलाई भीम अस्पतालको आइसीयुमा राखेर उपचार भइरहेको थियो ।
ज्वरो र खोकीसहित स्वासप्रश्वासमा समस्या देखिएपछि उनलाई जटिल अवस्थामा अस्पतालमा भर्ना गरिएको भीम अस्तालका कोरोना फोकल पर्सन डा. सुमित प्रजापतिले जानकारी दिए ।
डा. प्रजापतिका अनुसार ५ वटा आईसीयू बेड रहेको भीम अस्पतालमा ४ जना आइसीयुमा र १७ जना आइशोलेशन बेडमा गरी २१ जना संक्रमित उपचाररत रहेका छन् ।
यसअघि भीम अस्पतालमा उपचाररत रुपन्देहीको गैडहवा गाउँपालिका ३ का ५० वर्षीय संक्रमित पुरुषको मृत्यु भएको थियो ।
