शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
म्याग्दी / म्याग्दी जिल्ला बरंजाका एक बेवारिसे जटिल रोगबाट ग्रसित बिरामीको उपचारमा स्थानीय न्यू स्टार यूवा क्लव सक्रिय भएको छ ।
विगत १ बर्षदेखि क्षयरोग, फोक्सोमा पानी जमेको र टाउकोमा रगत जमेको अवस्थामा भेटाएका म्याग्दीको मंगला गाउँपालिका-३, बरंजाको कलेलीगैराका ५७ का सम्मर बहादुर घर्तीको उपचारमा सहयोग अभियान सञ्चालन भइरहेको छ ।
बेवारिसे अवस्थामा रहेका घर्तीको उपचारमा क्लवले स्वदेश तथा विदेशबाट ४ लाखभन्दा बढी आर्थिक संकलन गरेको क्लवका कोषाध्यक्ष गणेश केसीले बताए ।
उनका अनुसार पीडितको घरमा कोही नभएको अवस्थामा जटिल रोगले ग्रसित भएको खवर पाए संगै क्लवले अभियान सञ्चालन गरेको थियो ।
अभियानमार्फत संकलन भएको आर्थिकले पीडितको उपचार भइरहेको छ भने उपचारपछि बचतलाई वडाभित्रका विपन्न असाय र आर्थिक अभावका कारण उपचारमा समस्या भएकालाई सहयोग गर्ने गरी कोष स्थापना गरिने क्लवले जनाएको छ ।
मंगला गाउँपालिका वडा नम्बर ३ जनप्रिय आधारभुत बिद्यालय र स्कुलका प्र.अ याम प्रसाद घर्तीले पनि सहयोग गर्नु भएको आर्थिक संयोजक टेक खड्का जानकारी दिनुभयो ।
पीडितको हाल गण्डकी हस्पितल पोखरामा उपचार भईरहेको छ । थप आर्थिक सहयोगको आवश्यकता रहेको क्लबका अध्यक्ष राजु थापाले बताउनु भयो ।
