- ट्रेण्डिङ :
एजेन्सी । स्पेन तथा क्याटलान क्लब बार्सिलोनाका चर्चित फुटबलर जेरार्ड पिके र पप गायिका साकिराबीच सम्वन्ध विच्छेद भएको छ । साकिरा र जेरार्ड पिकेले आफ्नो १२ वर्ष लामो सम्बन्धको अन्त्य भएको पुष्टि गरेका छन् ।
कोलम्बियाली गायक र बार्सिलोना डिफेन्डरका दुई सन्तान छन्, तर उनीहरूले फुटबलरको हालैको घट्नाक्रम सत्य रहेको बताएका छन् । पिके र साकिराले एक विज्ञप्तिमा भने, ‘हामी अलग भएको पुष्टि गर्नुपदा दुःख लागेको छ ।
हाम्रा बच्चाहरूको कल्याणको लागि, जुन हाम्रो शीर्ष प्राथमिकता हो, हामी तिनीहरूको गोपनीयताको सम्मानको लागि सोधिरहेका छौं ।’ केहि साता पहिले जेरार्ड अन्य महिलासँग देखिएपछि उनीहरुबीचको सम्वन्धमा खटपट शुरु भएको थियो ।
यो घटनापछि पिके र साकिरा अलग्गै बस्दै आएका थिए । कोेलम्वियामा सन् १९७७ मा जन्मिएकी साकीरा जेरार्डभन्दा १० बर्ष जेठी छिन् । साकिरा र जेरार्डको पहिलो भेट फिफा विश्वकप २०१० को गीत ‘वाका–वाका’ गीतको सुटिङको दौरानमा भएको थियो ।
‘वाका– वाका’ गीत सन् २०१० को फीफा विश्वकपको अफिसियल गीत थियो । यसमा साकिराले आवाज रहँदा पिकेले अभिनय गरेका थिए ।
