- ट्रेण्डिङ :
ललितपुरमा स्थानीय र प्रहरीबीच झडप भएपछि लगाइएको कर्फ्यु आज राति १० बजेबाट हट्ने भएको छ । ललितपुरका प्रमुख जिल्ला अधिकारी नारायणप्रसाद भट्टको अध्यक्षतामा आज बसेको जिल्ला सुरक्षा समिति बैठकले राति १० बजेबाट कर्फ्यु खोल्ने निर्णय गरेको हो ।
परम्परागत रुपमा चल्दै आएको जात्र संचालन गर्नुपर्ने माग गर्दै आएका स्थानीय र प्रहरीबीच झडप भएपछि जिल्ला प्रशासन कार्यालय ललितपुरले आज बिहान ४ बजेदेखि कर्फ्यु लगाएको थियो । पूर्णरुपमा जिल्लामा कर्फ्यु हटेपनि रातो मत्स्येन्द्रनाथको रथ भएको ठाउँ वरपरको क्षेत्रलाई भने निषेधित क्षेत्र तोकिएको छ । यो क्षेत्रमा २६ गतेसम्म हिडडुल तथा कुनैपनि गतिविधि गर्न रोक लगाउने निर्णय भएको छ ।
त्यसक्षेत्रमा भोलि देखि लागू हुनेगरी बिहान ५ बजेदेखि राति १० बजेसम्म निषेत्राज्ञा लागू हुने भएको हो , बिहीबारको झडपमा एक ट्राफिक प्रहरी गम्भीर घाइते भएका छन् ।
