शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
निरन्तरको वर्षाका कारण बागलुङका २ ठूला राजमार्ग अवरुद्ध भएका छन् ।
राष्ट्रिय गौरवको आयोजनाका रूपमा रहेको मध्यपहाडी पुष्पलाल लोकमार्गको गलकोटबाठ–बुर्तिबाङखण्ड र बागलुङबाट म्याग्दी जाने सडक पहिराले पूर्णरूपमा अवरुद्ध बनाएको छ ।
लोकमार्गअन्तर्गत तुरतुरेमा पहिरो खस्दा सडक अवरुद्ध भएको जिल्ला प्रहरी कार्यालय बागलुङका डीएसपी इन्द्रबहादुर रानाले जानकारी दिए ।
तुरतुरेमा बर्सेनि पहिरो खस्ने गरेको छ । यस्तै बागलुङबाट म्याग्दी जोड्ने मुख्य सडकसमेत पहिराले अवरुद्ध बनाएको छ ।
बागलुङ नगरपालिका–४ र म्याग्दीको बेनी नगरपालिका–१ को सिमानास्थित डम्मरेखोला नजिकै पहिरोले सडक पुरेको हो । निरन्तर पानी परिरहेकाले सडक खुलाउन समस्या भएको प्रहरीले जनाएको छ ।
