शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
गण्डकी प्रदेशमा थप एक जना कोरोना संक्रमितको मृत्यु भएको छ । कास्की जिल्लाको अन्नपूर्ण गाउँपालिका १ निवासी ६३ बर्षीया महिलाको यहि भदौ २१ गते विहान ९ः१५ बजे बीरेन्द्र अस्पताल छाउनीमा निधन भएको हो ।
ब्रेन ट्युमर र मृगौलाको समस्याबाट पीडित भइ अस्पतालमा उपचाररत महिलाको यहि भदौ १९ गते कोरोना संक्रमण पुष्टि भएको थियो । योसंगै गण्डकी प्रदेशमा कोरोनाका कारण मृत्यु हुनेको संख्या २० पुगेको छ ।
त्यसैगरी गण्डकी प्रदेशमा थप ११ जनामा कोरोना संक्रमण पुष्टि भएको छ ।
चितवनस्थित भरतपुर अस्पताल, चितवन मेडिकल कलेज र पोखरा स्वास्थ्य विज्ञान प्रतिष्ठानमा गरीएको पिसिआर परीक्षणमा ११ जनामा कोरोना संक्रमण पुष्टि भएको गण्डकी स्वास्थ्य निर्देशनालयले जनाएको छ ।
जसअनुसार संक्रमित हुनेहरुमा नवलपरासी बर्दघाट सुस्ता पूर्वको गैंडाकोटका ५ र कावासोतीका एकजना रहेका छन । त्यस्तै कास्कीको पोखरा महानगरपालिकाका ५ जना रहेका छन ।
संक्रमित सबैलाई आइसोलेसन केन्द्रमा लैजाने तयारी भएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डाक्टर बिनोन बिन्दु शर्माले जानकारी दिए ।
