शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
दश वर्षीय बालकलाई कुटपिट गरेको आरोपममा एक महिलालाई प्रहरीले नियन्त्रणमा लिएको छ ।
जिल्लाको सिद्धिचरण नगरपालिका ११ की अन्दाजी ३८ वर्षीया सम्झना श्रेष्ठलाई छिमेकी बालकलाई कुटपिट गरेको आरोपमा प्रहरीले नियन्त्रणमा लिएको हो ।
केहि दिन अघि केटाकेटी खेल्ने क्रममा भएको सामान्य विवादलाई लिएर श्रेष्ठले बालकलाई मरणासन्न हुने गरी कुटपिट गरेको पीडित पक्षको आरोप छ ।
पीडित बालकको आफन्तले दिएको जाहेरीका आधारमा श्रेष्ठलाई नियन्त्रणमा लिएर अनुसन्धान थालिएको जिल्ला प्रहरी प्रमुख (डीएसपी) सुकदेव खनालले जानकारी दिए ।
कुटपिटबाट घाईते भएका बालकको सामुदायिक अस्पताल सोब्रुमा उपचार सम्भव नभएपछि थप उपचारका लागि काठमाडौंको एक अस्पतालमा उपचार भैरहेको छ ।
कुटपिटपछि बालकले बारम्बार बान्ता गरिरहेकाले उनको टाउकोमा समस्या भएको हुनसक्ने पारिवारीक स्रोतले जनाएको छ ।
