बिहिवार, कार्तिक २० गते २०८३
- ट्रेण्डिङ :
- # मनाेरञ्जन
डिभिजन वन कार्यालय मुगुका तत्कालीन वन अधिकृत भरतबहादुर बुढथापासहित ६ जनाविरुद्ध विशेष अदालत काठमाडाैंमा भ्रष्टाचार मुद्दा दायर भएकाे छ ।
टुजेमीदेखि बाबुकाँधसम्म पर्यटन सडक निर्माण गर्दा ६ लाख ३२ हजार ६ सय ७७ रुपैयाँ भ्रष्टाचार गरेको ठहर गर्दै अख्तियार दुरुपयोग अनुसन्धान आयोगले मुद्दा दायर गरेको हो ।
बुढथापासहित तत्कालीन सब–इन्जिनियर गोरसिंह बडुवाल, असिस्टेन्ट सब–इन्जिनियर हिमालकुमार मल्ल, उपभोक्ता समितिका अध्यक्ष मानबहादुर शाही, सचिव धर्मेन्द्र शाही र कोषाध्यक्ष कुशुमदेवी शाही रहेका छन् ।
उनीहरूसँग जनही ६ लाख ३२ हजार ६ सय ७७ रुपैयाँ ५० पैसा बिगो दाबी गरिएको छ ।
त्यस्तै, हुम्लाको अदानचुली गाउँपालिकाका निमित्त कार्यकारी अधिकृत टंकदत्त प्याकुरेलसहित ४ जनाविरुद्ध पनि मुद्दा दायर गरिएको अख्तियारका प्रवक्ता श्यामप्रसाद भण्डारीले जानकारी दिए ।
