- ट्रेण्डिङ :
पाल्पाकी मोना थापा (क्षेत्री)माथी ब्राह्मण जातका उहाँका श्रीमान र श्रीमानका परिवार एवं आफन्तले जातका आधारमा विभेद गरेको घटनामा आज जाहेरी दर्ता भएको छ । यसअघि पटक-पटक जाहेरी दर्ता गर्न अस्वीकार गरेको जिल्ला प्रहरी कार्यालय पाल्पाले हुलाक मार्फत पठाएको जाहेरी आज दर्ता गरेको हो ।
प्रत्यक्ष जाहेरी लिएर जाँदा प्रहरीले दर्ता गर्न अस्वीकार गरेपछि हुलाक मार्फत जाहेरी पठाउनु परेको अधिवक्ता यमकुमारी ददेलले बताउनुभयो । उहाँका अनुसार गैरदलित गैरदलित बीचकाे जातीय विभेदकाे घटनामा दर्ता भएको यो पहिलाे मुद्दा हाे ।
'जात व्यवस्था उन्मूलन मोर्चा, नेपाल' लुम्बिनी प्रदेश र 'वैज्ञानिक समाजवादी कम्युनिष्ट पार्टी, नेपाल' लुम्बिनी प्रदेशको निरन्तरको दबाबपछि प्रहरीले जाहेरी दर्ता गरेको 'जात व्यवस्था उन्मूलन मोर्चा, नेपाल'लुम्बिनी प्रदेश संयोजक डोलराज विश्वकर्माले जानकारी दिनुभयो ।
यसअघि पटक-पटक "यो जातीय विभेदको घटना नै हैन" भन्दै प्रहरीले जाहेरी नलिएर फर्काईदिएको पिडित मोना थापाले बताउनुभयो ।
