कुवेतमा मदिरा उत्पादन केन्द्र सन्चालन गर्ने ८ नेपाली पक्राउ परेका छन् । कुवेतको अहमादी प्रहरी सुरक्षाकर्मीले कुवेतको महाबुल्ला भन्ने ठाउँमा नेपालीहरु द्वारा सन्चालन गरिएको घरेलु मदिरा उत्पादन केन्द्रलाई छापा मारेको छ । त्यहाबाट उक्त उत्पादन केन्द्र सन्चालन गर्ने ८ जना नेपालीलाई प्रहरीले नियन्त्रणमा लिएको जनाएको छ ।
कुवेतको अरब टाइम्स अनलाइनमा ९ सेप्टेम्बर २०२० का दिन प्रकाशित समाचारमा तीन वटा अपार्टमेन्ट भाडामा लिएर मदिरा उत्पादन केन्द्र संचालन गर्ने उनीहरुलाई प्रहरीले पक्राउ गरिएको जनाए पनि पक्राउ पर्नेहरुको परिचय र अन्य बिबरण भने खुलाईएको छैन ।
अरब टाइम्स अनलाइनको समाचारमा भनिएको छ "अबैधानिक काम गरिरहेको सुचनाका आधारमा कुवेत प्रहरिले घरेलु मदिरा उत्पादन केन्द्रमा छापा मारेको हो । घरेलु मदिरा उत्पादन केन्द्रबाट मदिरा उत्पादनमा प्रयोग गरिने उपकरणहरु र ठूलो संख्यामा तयारी अबस्थामा रहेको मदिरा समेत जफत गरिएको छ । उनीहरुलाई कानुनी प्रकृया पूरा गरि डिपोर्टेशन सेन्टरमा पठाइने र देश निकाला (डिपोर्ट) गरिने छ ।
-हरीकृष्ण न्याैपाने
