- ट्रेण्डिङ :
पूर्व पश्चिम राजमार्गको पूर्वी लच्का नजिकै बस र अटोरिक्सा आपसमा ठोक्किएर दुर्घटना हुँदा ३ जनाको मृत्यु भएको छ ।
रौतहटको चन्द्रपुर नगरपालिका–२ स्थित राजमार्गमा आज बिहानै काठमाडौंबाट सर्लाहीतर्फ जाँदै गरेको वाग्मती प्रदेश ०३-००१ ख २०१ नम्बरको बस र पूर्वबाट पश्चिमतर्फ आउँदै गरेको प्रदेश २–०२-००१ ह २१०९ नम्बरको अटो एक आपसमा ठक्कर खाएको प्रहरीले जनाएको छ ।
दुर्घटनामा अटोमा सवार ४ जना भध्य तीन जनाको मृत्यु भएको छ । दुर्घटनाबाट घाइते भएका उनीहरुलाई अस्पतालमा लगेलगिएको तर ३ जनालाई मृत घोषणा गरिएको इलाका प्रहरी कार्यालय चपुरले जनाएको छ ।
मृत्यु हुनेमा अटोमा सवार सर्लाही–२ सोल्टी बस्ने ढकबहादुर लुंगेली मगर, प्रेम ठाडा मगर र अटो चालक रवि मगर हुन् ।
उनीहरुलाई अस्पतालमा ल्याएपछि मृत घोषणा गरिएको हो । दुर्घटनामा घाइते भएकी ढकबहादुरकी श्रीमती सबिना लुंगेली मंगरको दुवै खुट्मा चोट लागेको छ । उनको चन्द्रपुर अस्पतालमा उपचार हुँदै छ ।
बस चालक नियन्त्रणमा लिएर दुर्घटनाबारे अनुसन्धान थालेको प्रहरीले जनाएको छ ।
