- ट्रेण्डिङ :
कुवेत - नेपाल कुवेत सरोकार समाजको आयोजनामा बडा दशैको अवसरमा हुन लागेको चौथो सांगीतिक धमाकाको सम्पूर्ण तयारी पूरा भएको छ ।
यहि आउँदो सेप्टेम्बर ३० तारिख शुक्रबारका दिन कुवेतस्थित इन्डियन सेन्ट्रल स्कुल जिलिब सोयकको सभा हलमा सो कार्यक्रम हुने भएको छ । चर्चित लोकप्रिय गायक तथा द भ्वाईस अफ नेपालका कोच प्रमोद खरेल र द भ्वाईस अफ नेपालकी प्रतिस्पर्धी मेचु धिमाल सांगीतिक कार्यक्रमका लागि सेप्टेम्बर २९ तारिख बिहान १० बजे कुवेत आईपुग्ने सचिब शान्त लम्सालले मयूरपाटीलाई जानकारी दिएका छन । साथै कलाकारको स्वागतका लागि सेप्टेम्बर २९ तारिख बिहान १० बजे एयरपोर्टमा उपस्थितको लागि लम्सालले अनुरोध गरेका छन ।
कार्यक्रममा चर्चित लोकप्रिय गायक तथा द भ्वाईस अफ नेपालका कोच प्रमोद खरेल, द भ्वाईस अफ नेपालकी प्रतिस्पर्धी मेचु धिमाल र कुवेतमा कार्यरत स्थानीय कलाकारको प्रस्तुति रहने छ । नेपाल कुवेत सरोकार समाजले हरेक बर्ष हिन्दू धर्मावलम्बीहरुको महान चाड बडा दशैको अवसरमा बिशेष सांगीतिक धमाका गर्दै आएको छ । नेपाल कुवेत सरोकार समाजले प्रवासमा निरन्तर काममा व्यस्त हुने गीत संगीत प्रेमी नेपालीहरुका लागि सांगीतिक मनोरन्जन भरपूर रुपमा प्रदान गर्न चौथो सांगीतिक धमाका गर्न लागेको हो । प्रत्येक बर्ष सांगीतिक कार्यक्रम संगै सामाजिक कार्यमा पनि अग्रसर रहदै आएको छ ।
कुवेतमा कृयाशिल विभिन्न संघ - सस्था, समाजसेवी, बुद्दीजिवी, भद्रभलादमी, व्यवसायी, पत्रकार, कलाकार लगायत नेपाली दाजुभाई तथा दिदिबहिनीहरुलाई निमन्त्रणा गरिसकिएको जनाएको छ । यदी कुनै कारणवश निमन्त्रणा पत्र प्राप्त नभएको भए यसै समाचारलाई आधार मानि उपस्थितिको लागि अनुरोध गरेको छ । साथै कार्यक्रम स्थलसम्म जानको लागि यातायातको समेत निशुल्क ब्यबस्था गरिएको छ । बस छुट्ने समय र स्थान निम्न रहेको छ ।
फाहहिलको ग्रेन्डहाईपरदेखि बिहानको ठिक 11:00 बजे ।
मंगाफको छाप्रा मस्जिददेखि बिहानको 11:30 बजे ।
महाबुला गाता दुइदेखि 12:00 बजे ।
सालमियाँदेखि 11: 30 बजे ।
यातायातको लागि सम्पर्क फोन नम्बर 66472286 (टेन्डुप शेर्पा )
सांगीतिक धमाका कार्यक्रम निम्न मिति सयम र स्थानमा हुनेछ ।
मिति :- ३० सेप्टेम्बर २०२२ , शुक्रबार
समय :- दिनको ठीक ११ बजे
स्थान :- इन्डियन सेन्ट्रल स्कुल जिलिब सोयक कुवेत
आयोजक :- नेपाल कुवेत सरोकार समाज
